රුපියල් මිලියන 40ක් වටිනා සුපිරි ෆෙරාරි මෝටර් රථය මිලදී ගෙන පැයක් ඇතුලත කුඩු වූ හැටි – වීඩියෝ.

ශ්‍රී ලංකා මුදලින් රුපියල් මිලියන 40ක් පමණ වටිනා සුපිරි ෆෙරාරි මෝටර් රථයක් මිලදී ගෙන පැයක් ගතවන්නටත් මත්තෙන් එය හදුනාගත් නොහැකි ලෙස කුදුවෙන්නම අනතුරකට පත්වුනා. මේ අනතුර දුටු පොලීසිය පවසා තිබුනේ මෝටර් රථය ඉගෙල්ලෙනු හැටි තමන් දුටු බවයි. පහත වීඩියෝව මගින් එය නරඹන්න.

ජල පොකුණකට වැටුණු කපුටෙක් බේරාගත් වලසාගේ ලොවක් විමතියට පත්කළ වීඩියෝව.

විපතකට පත්ව සිටින අයකු ඉන් මුදා ගැනීම විශිෂ්ට ගුණාංගයක් වනවා. ලාංකිකයින්ගේ එම ගුණය ඉහලින්ම පවතින බව පසුගිය සමයේ බලපෑ ආපදා තත්ත්වයේදීත් දැකගන්නට ලැබුණා. ඒ අයුරින් විපතට පත්ව සිටි සත්ත්වයකුට පිහිට වූ විස්මිත වලසකු පිළිබද කතාවයි මේ.

උතුරු කොරියාවෙන් පැන විත්, එහි සැබෑ තත්වය ලොවට පැවසු 24 හැවිරිදි තරුණියගේ ලොවක් හන්දවූ සංවේදී කතාව.

උතුරු කොරියාවෙන් පැන ආ විසිහතර හැවරිදි දැරිවිය ඇගේ සංවේදී කතාව මෙසේ දිගහරියි .”මට මෙය කිරීමට සිදු වෙනවා මොකද මෙය නිකන් කතා කිරීමක් නොවේ මෙයයි පණිවිඩය මගේ මිනිසුන්ට ලොවට කියා සිටිය යුතු වන්නේ. කොරියාව යනු සිතාගත නොහැකි රටකි. අපිට නැරඹීමට තිබුනේ එකම එක රුපවාහිනී සේවයක් පමණි.අන්තර්ජාල පහසුකම් නැහැ. ඒ වගේම සින්දු කියන්න,නටන්න,අදහස් ප්‍රකාශ කරන්න,අපිට අවශ්‍ය විදිහට අඳින්න පළදින්න නිදහසක් අපිට නැහැ .උතුරු කොරියාවේ පමණයි ජාත්‍යන්තර දුරකථන ඇමතුම් ලබාගතහොත් මරණ දඬුවම ලබාදෙන්නේ. උතුරු කොරියාවේ ඉතා බිහිසුණු ක්‍රියාවන් සිදුවෙන බව කියා යුතුයි .මම එහි ජීවත් වූ කාලයටම ආදර සම්බන්දයක් පිළිඹඳ අසාවත් නැත .එහි ආදරය සම්බන්දයෙන් ලියවුනු කිසිදු පොතක්,පත්තරයක්,ගීතයක්,චිත්‍රපටයක් ගැන අසන්නටවත් නැත. බිහිවුණු සෑම නිර්මාණයකින්ම මිනිසුන්ගේ මොළයට දේශපාලන අදහස් එක් කරයි.

මම ඉපදුනේ 1993. නිදහස හා මානව අයිතිවාසිකම් යන වචන වල තේරුම් දැනගැනීමටත් පෙරම,මගේ උපතේදීම මාව පැහැරගැනීමකට ලක්විය. මේ අවස්තාව වෙනකොට උතුරු කොරියානුවන් ඉතා දුෂ්කර ලෙස නිදහස බලාපොරොත්තුවෙන් සිටිනවා ඔවුන් නිදහස වෙනුවෙන් ප්‍රාණය පවා බිලි දීමට සූදානමිනුයි ඉන්නේ. මට අවුරුදු 9ක් වන විට මගේ යාලුවාගේ මව ප්‍රසිදියේ මරා දැමුවා එයට හේතුව කුමක්ද? හොලිවුඩ් චිත්‍රපටයක් නැරඹීම. ඒ ආධිපත්‍ය හා විශිෂ්ට පාලනය ගැන සැකකරන්නට යාමෙන් සිදු වන්නේ පරම්පරා 3ක් සිරගත කිරීම හෝ මරණ දණ්ඩනය ලබා දීමයි .

මගේ පියා උතුරු කොරියාවෙන් පැන ගියායින් පසු චීනයේදී මරණයට පත්වූවා අපිට ඔහුව භූමදාන කිරීමට සිදුවුයේ පාන්දර 3ට හොර රහසේය. මට එදා කෑගහලා අඩන්නවත් වුණේ නෑ බය නිසා.අද මන් උතුරු කොරියාවෙන් පලාවිත් තිබෙනවා. මම දැක්කා චීන ජාතික තැරවුකරුවෙකු විසින් මගේ අම්මව දුෂණය කරනවා.ඔහුගේ ගොදුර වුනේ මම එතකොට මගේ වයස අවුරුදු 13යි.අපේ රටේ ප්‍රසිද්ධ වැකියක් තිබෙනවා ගැහැනුන් දුර්වල වුවත් මවුවරුන් ශක්තිමත් යන්නයි.එය සත්‍ය කරමින් අම්මා මාව බේරගන්න එයාගේ ජීවිතේ කැපකලා .

අනතුරට භාජනය වියහැකි උතුරු කොරියානු සරණාගතයින් චීනයේ 300000කට අධික ප්‍රමානයක් සිටිනවා .උතුරු කොරියානු ගැහැණු ජනයාගෙන් හා තරුණ කාන්තාවන්ගෙන් 70%ක් පමණ තාඩන පීඩනවලට යටව ජීවත් වනවා .සමහර වෙලාවට තරුණ ළමයින් $200ක් වැනි සුළු මුදලකට විකිනෙනවා”…

ඇගේ මෙම සංවේදී කතාව සම්පුර්ණයෙන් නැරඹීමට පහත videoව නරඹන්න.කරුණාකර සංවේදී අය මෙය නැරඹීමෙන් වලකින්න .

මෙන්න බලපන් පකිස්තානුවෝ දෙන්නෙක් ඊයේ ලංකාව දිනන සතුට ඔෆිස් එකේ ඉඳගෙන සැමරු හැටි.- වීඩියෝ.

ඊයේ ලංකාව සහ ඉන්දියාව අතර තරඟයෙන් ශ්‍රී ලංකාව විශිෂ්ඨ ජයක් වාර්තා කළා. මේ ජයග්‍රහණය නිසා ශ්‍රී ලාංකීය ප්‍රේක්ෂකයන් කුල්මත් වූ හැටි අපි කවුරුත් දැක්කා. නමුත් දැනට පැය කිහිපයකට පෙර එම තරඟය තම කාර්යාලයේ සිට නැරඹු පාකිස්තානුවන් දෙදෙනෙකුගේ වීඉයෝවක් අන්තර්ජාලයට එක කර තිබෙනවා. ඔවුන් ශ්‍රී ලංකාවේ ජයග්‍රහණයෙන් කුල්මත්ව කල දේ බලන්නකෝ.

 

ලෝක ශුර පා පැදි ශුරයන්ට හපුතලේදී පොලු මුගුරුවලින් පහරදී පා පැදි සොරා ගත් නරුමයන්.- Video.

ලොව පුරා පා පැදි තරංග වලට සහභාගී වී ජයග්‍රහණ රැසක් හිමිකරගත් විදේශීය තරඟකරුවන් තිදෙනෙක් ලංකාවට පැමිණියේ තවත් තරඟයකට සහබාගී වීමටයි. ඔවුන් කල් තියා පැමිණ හපුතලේ ප්‍රදේශයේ නවාතැන් ගෙන, කඳුකර මාර්ග ඔස්සේ සෑම දිනම උදෑසන පුහුණුවීම් කලේ අවට සොබා සිරි නැරඹීමේ අදහසත් සිතේ කැටි කරගෙනය. ඔවුන් ලංකාවේ පරිසරයේ අලංකාරයට වශීවී සිටියා.
නමුත් එම ප්‍රදේශයේ තේ වතු මැදින් ධාවනය කරමින් සිටියදී ඔවුන්ට නොසිතු සිද්ධියකට මුහුණ දෙන්නට සිදු වුනා.
ඒ ගැන සම්පුර්ණ විස්තරය බලන්න පහත වීඩියෝව නරඹන්න.

Taser Training එක දරාගන්න බැරුව සෙබළාගේ රහස් ප්‍රදේශය මිරිකු ආදුනික සෙබළිය – වීඩියෝ.

යුධ හමුදා සේවයට බැඳුනු නවක සෙබළියකට Taser Training කිරීමේදී එය දරාගත නොහැකිව තමාව අල්ලාගෙන සිටින සෙබළුන් දෙදෙනාගෙන් එක සෙබලෙකුගේ රහස් ප්‍රදේශය තදින් මිරිකීමකට ලක් කරන වීඩියෝවක් මේ දිනවල අන්තර්ජාලයේ සීග්‍රයෙන් පැතිර යමින් පවතිනවා. පහතින් එම වීඩියෝව නරඹන්න.

වෙනත් රෝගයකට ප්‍රතිකර්ම කරන්න හැදු, පසුව ලොව ප්‍රභලම කාම ශක්තිය ලබා දෙන “ව්යාග්‍රා” පෙත්තේ ඇත්ත කතාව මෙන්න.

ලිංගික අප්‍රාණිකත්වය නැත්නම් නෂ්ඨකාමය ඇති අයට දැන් විස්මිත පෙත්තක් භාවිත කිරීමේ වරම ලැබී තිබේ. ඇත්තෙන්ම කිව්වොත් මේ නම් මැජික් පෙත්තකි. ඒ තමා වයාග්‍රා. නමුත් මේ මැජික් පෙත්ත ගත යුත්තේද තෝරා බේරා වෛද්‍ය උපදෙස් මත පමණයි. සමහරුන්ට මේ කියන වයාග්‍රා නිසාත් නොයෙකුත් අපහසුතාවන්ට ලක්වන්නට සිදුවූ අවස්ථා අපමණයි. වයාග්‍රා ගැනත් බොහෝ දෙනා තුළ මිත්‍යා මත ගණනාවක් තිබේ. විශේෂඥ වෛද්‍ය ආරියසේන යූ. ගමගේ ඔය කියන මැජික් පෙත්තේ හාස්කම ගැන ඇත්ත නැත්ත අපිට පැහැදිලි කළේ මෙහෙමයි.

මුලින්ම වයාග්‍රා සොයාගත්තේ ලිංගික අප්‍රාණිකත්වයට බෙහෙතක් හැටියට නොවෙයි. හදවතේ රුධිර නාල සිහින් වීමට බෙහෙතක් හැටියට සොයාගත් මෙය ලබා දුන් විට ලිංගික අප්‍රාණිකත්වයත් නැතිවෙන බව සොයාගන්න ලැබුණා. එදා ඉඳන් මේ පෙත්ත මහා මැජික් පෙත්තක් බවට පත්වුණා.

වයාග්‍රා සොයාගැනීමත් සමඟ තමා ලිංගික අප්‍රාණිකත්වය මගින් පෙලෙන අය කාණ්ඩ දෙකකට වෙන් වුණේ. මානසික හේතු නිසා අප්‍රාණිකත්වය හටගන්නා අය පළමු කාණ්ඩයයි. කාන්සාව, මානසික අවපීඩනය, ස්වාමියා සහ බිරිය අතර ඇතිවන ගැටලු නිසා එකිනෙකා අතර ආකර්ෂණය නැතිව යාම මේ කාණ්ඩයට අයත්. මේ නිසා හටගත් අප්‍රාණිකත්වයට වයාග්‍රා හුඟක් ඵලදායී බෙහෙතක් වුණා. කොටින්ම වයාග්‍රා මගින් මේ කියන අයගෙන් 85%ක්ම ගොඩ ගියා.

දෙවැනි කාණ්ඩය, කායික රෝග නිසා හටගන්නා අප්‍රාණිකත්වයට ගොදුරු වන අය. රුධිර නාලවල කොලෙස්ටරෝල් තැන්පත් වීම නිසා හටගන්නා ඇතරෝස්ක්ලෙරෝසියාව, දියවැඩියාව සහ පුරස්ථි ග්‍රන්ථියේ සැත්කම් නිසා හටගන්නා ස්නායු දුබලතා ඒ සඳහා උදාහරණ ලෙස පෙන්වන්න පුළුවන්. මේ අයගෙනුත් සියයට 35කට පමණ වයාග්‍රා ප්‍රතිඵලදායක බව කිවයුතුයි.

ඒ කියන්නේ අප්‍රාණිකත්වයට කියාපු බේත!

හැබැයි ඉතින් මේ මැජික් පෙත්ත ගන්නට ඕනෑත් ටිකක් කල්පනාකාරීව අරපරෙස්සමින් තමා. මොකද මේ පෙත්ත ගන්න සුදුසු නැති අයත් ඉන්නවා. ඒ ගැන හරියටම දැනගන්න පුළුවන් වෛද්‍යවරයකු හමුවීමෙන් තමා. ඉන්පසුව වෛද්‍ය නිර්දේශය මත තමා මේ පෙත්තේ මැජික් බලය වැඩට ගන්නට ඕනෑ.

අපි දැන් බලමු කාටද මේ පෙත්ත අගුණ කියලා.

සිල්ඩෙනෆිල් සිට්‍රේට් නැත්නම් වයග්‍රා හෘදයාබාධවලින් පෙලෙන අයට අගුණයි. ඊළඟට ආමාශයේ තුවාල ඇති අයට, ඒ වගේම ලේ කැටි නොගැසීමේ රෝගාබාධ (හිමොෆීලියාව) ඇති අයටත් සුදුසු නැහැ.

ඒ වගේම සමහර ඖෂධ වර්ග ගන්නා අයටත් වයාග්‍රා භාවිතය අගුණයි. එයින් එකක් තමා Nitroglycerine – TNT හෙවත් දිව යට තබාගන්නා හෘදරෝගීන්ට දෙන පෙත්ත. අනෙක් ඒවාත් හෘද රෝගීන්ට ලබාදෙන ISDN, Isodril, Sobitrate ඒ වගේම Pentaerythritol – Teranitrebe ඒ වගේම Erythrityl Tetranitrat – Cardilate කියන පෙති. ඉතින් මේ අපබ්‍රංස වගේ පෙනෙන බෙහෙත් ගැන හරියටම දන්නේ දොස්තර මහත්තුරු තමා. ඒ නිසයි වෛද්‍ය උපදෙස් මත වයාග්‍රා ගැනීම සුදුසුයි කියලා කියන්නේ ඒ වගේම Cimetidine, Erythromycin, Ketoconazole, Itraconazole ඖෂධ සමගත් වයාග්‍රා ගැනීම අවදානම්.

තවත් වැදගත් කරුණක් තමා වයාග්‍රා නිසා සමහරුන්ට අතුරු ආබාධ හටගන්නත් පුළුවනි. ඒ වගේ ඇතිවන අතුරු ආබාධ තමා මේ. හැබැයි මේවා ඇතිවන්නේ ඉතාම සුළු ප්‍රතිශතයකටයි.

වයාග්‍රා ගැන තියෙන මිත්‍යාවන් ගැන අපි ඊළඟට කතා කරමු.

උපදෙස් විශේෂඥ වෛද්‍ය ආරියසේන යූ. ගමගේ

උපුටාගැනීම :ලංකාදීප.

ISIS සමග සම්බන්ධ නිසා රටවල් 6ක් එක්ව කටාර් රාජ්‍ය තනිකරයි

ලොවටම පිළිලයක් වී ඇති ISIS ත්‍රස්ථ සංවිධානය සමඟින් සම්බන්ධකම් පැවැත්වූ බවට චෝදනා ඉල්ලවීම නිසාවෙන් කටාර් රාජ්‍යය සමග දේශසීමා වසා දමමින් රාජ්‍ය තාන්ත්‍රික සබඳතා අත්හිටුවීමට හා ගුවන් ගමන් අත්හිටුවීමටද මැදපෙරදිග රටවල් හයක්‌ ඊයේ (05) තීරණ කර තිබෙනවා.
ඒ අනුව සෞදි අරාබිය, ඊජිප්තුව, බහරේන්, එක්‌සත් අරාබි එමීර් රාජ්‍යය, යේමනය සහ ලිබියාව යන රටවල් මෙලෙස කටාර් රාජ්‍ය සමඟින් පැවති සබඳතා නවත්වා ඇති අතර කටාර් රාජ්‍යයේ ශ්‍රී ලාංකිකයන් එක්‌ලක්‌ෂ විසිපන් දහසක්‌ පමණ රැකියාවල නිරතවී සිටිනවා.
එමෙන්ම කටාර් රාජ්‍යයට විරෝධය පළ කරමින් සබඳතා අත්හළ සියලු මැදපෙරදිග රටවල් ඇමරිකාවට පක්‍ෂපාතී රටවල් වන බවත් දැනගන්නට ලැබෙනවා. ඔවුන් සවුදි අරාබියා ගොඩබිම, මුහුද, ගුවන් සීමාව යන අංශ තුනෙන්ම සිය දේශ සීමා වසා දමා ඇති අතර ෆ්ලයි ඩුබායි, එමිරේට්‌ස්‌ සහ එයාර් ඇරෙබියා යන ගුවන් සමාගම් ද කටාර් දක්‌වා ගමන් කළ සිය ගුවන් ගමන් නතර කිරීමට කටයුතු කර තිබෙනවා.
එක්‌සත් අරාබි එමීර් රාජ්‍ය හා ඊජිප්තුව පැය 48 ක්‌ තුළ තම රටින් ඉවත්ව යන ලෙස කටාර් රාජ්‍යයේ තනාපති නිලධාරීන් වෙත දන්වා තිබේ. එසේම එක්‌සත් අරාබි එමීර් රාජ්‍ය තුළ වාසය කරන සියලුම කටාර් වැසියන්ට දින 14 ක්‌ තුළ එරටින් පිටව යන ලෙසද දන්වා ඇත.
තම රටවල සිටින සියලුම කටාර් වැසියන් හා නේවාසිකයන්ද සති තුනක්‌ ඇතුළත දී පිටව යා යුතු බව සවුදි අරාබිය හා බහරේනය දැනටමත් නිවේදනය කර තිබේ.
මේ අතර රටවල් හයක්‌ තම රට සමඟ පවතින සබඳතා අත්හැරීම පිළිබඳව කරුණු දක්‌වා ඇති කටාර් රාජ්‍යය මෙම තීරණය අයුක්‌තිසහගත හා කිසිදු පදනමක්‌ නොමැති තීරණයක්‌ බව ප්‍රකාශ කර තිබෙනවා. කෙසේ නමුත් කටාර්හි සිටින ශ්‍රී ලාංකිකයින්ට මෙයින් කිසිදු බලපෑමක් නැතියි විදේශ කටයුතු අමාත්‍යාංශය දන්වා සිටිනවා.

ඊයේ රාත්‍රියේ කටාර් සිට ලංකාවට පැමිණි පුද්ගලයන්ගේ කටාර් මුදල් මාරු කිරීම සියලු මුල්‍ය ආයතන අත්හිටවා තියෙනවා. මහා බැංකුව විසින් කටාර් රියාල් මාරු කිරීම අත්හිටවන ලෙස සියලු මුල්‍ය ආයතනවලට දන්වා ඇති බවයි පැවසෙන්නේ..

 

ගුවන් යාන කොල්ලයක් යැයි ලෝකෙම තිගැස්සූ ලංකාවේ මාර්ක්ගේ කතාව

පසුගිය දිනෙක ශ්‍රී ලංකාවේ තරුණයෙකු විසින් මැලේසියානු ගුවන් සමාගමට අයත් යානයක් තුලදී බෝම්බයක් වැනි යමක් පෙන්වමින් නියමු කුටියට ඇතුල්වන්නට තැත් කළ අතර පසුව යානය නැවත හරවා යවන්නට එහිදී නියමුවා කටයුතු කර තිබුණි. ලොව පුරා මේ පුවත ලැව් ගින්නක් සේ පැතිරුනේ තවත් මැලේසියානු ගුවන් යානයක් පැහැරගත්තේ දැයි සැකය පහල කරමින්ය.

ඒ අවස්ථාවේදී යානයේ වූ තත්වය මෙසේය…

යානය ගුවන්ගත වී ස්‌වල්ප වේලාවකට පසු තරුණයෙක්‌ තම අසුනෙන් නැගී සිට කෑ ගසන්නට විය. “මට පයිලට්‌ව මුණ ගැහෙන්න දීපල්ලා…….. නැත්නම් මම මේ ප්ලේන් එක පුපුරුවනවා.”

තරුණයාගේ අතේ වූ ලොකු කළු පාට ගුලියෙන් එළියට නිකුත්වුණ කෙටි ඇන්ටනා කැබලි කිහිපයක්‌ දිලිසුණේය. “මේක බෝම්බයක්‌…… මට පයිලට්‌ ඉන්න කොක්‌පිට්‌ එකට (නියමු කුටියට) යන්න නොදුන්නොත් මම ප්ලේන් එක පුපුරවනවා…….”

මේ තරුණයා නම මාක්ස්ය. ශ්‍රී ලංකාවේ සිට ඔස්‌ට්‍රේලියාවට පැමිණ ශිෂ්‍ය විසාවකින් (Student Visa) එරට නැවතී සිට පාර්ට්‌ ටයිම් රැකියාවක්‌ කරමින් සිටි මාක්‌ස්‌ 25 හැවිරිදි දෙමළ ජාතිකයෙකි. දන්නා හඳුනන හැමෝම ඔහු ඇමතුවේ ‘මාක්‌ස්‌’ ලෙස ය. මාක්‌ස්‌ගේ තර්ජනයත් සමඟම ගුවන් මඟීහු ස්‌වල්ප වේලාවක්‌ භීතියෙන් ත්‍රස්‌ත වී සිටියහ. ඔවුන් වැඩි දෙනාට සිහිපත් වූයේ මෙයට කලකට පෙර අතුරුදන් වූ මැලේසියන් ගුවන් යානයයි. මෙයට වසර තුනකට පෙර (2014 මාර්තු 8 වැනිදා) මැලේසියන් ගුවන් සේවයට අයත් MH370 දරණ එම යානය මගීන් 239 ක්‌ ද රැගෙන චීනයේ බෙයිජිං නගරය බලා ගුවන් ගත විය. මේ යානය ඉන්පසු ඇසට නොදක්‌නාලදී. අදටත් එහි සුන්බුන් කැබැල්ලක්‌ පවා නොමැත. නවීන යුද උපක්‍රම සහිත පරිගණක වැඩසටහන් කිහිපයක්‌

රැගත් විශේෂ මඟීන් කිහිපදෙනකු මෙහි ගමන් කළ බවත් එක්‌තරා බලගතු රටකට අයත් ඔත්තු සේවයක්‌ මේ යානය පැහැර ගෙන ආසියාවේ ජන ශූන්‍ය දූපතකට ගෙන ගොස්‌ මඟීන් සියලු දෙනා මරා පරිගණක වැඩසටහන් සමූහය අත්පත් කරගෙන යානය විනාශ කළ බවත් කියනු ලැබේ. මේ යානය අතුරුදන් වීම පිළිබඳ තවත් මතයක්‌ ඇත. එනම්, යානය මුහුදට කඩා වැටුණු බවය. එසේ නම් යානයේ සුන්බුන් කැබැල්ලක්‌ හෝ මුහුදේ පාවිය යුතුය. එහෙත් එබන්දක්‌ සිදු වූයේ නැත.

ශ්‍රී ලාංකික තරුණයකු වූ මාක්‌ස්‌ විසින් පැහැර ගත් යානයේ සිටි මඟීන්ට ඒ ඇසිල්ලේදී මෙවැනි කාරණා මතකය හරහා ඇදී යන විදුලිසර මෙන් දැල්වෙන්නට ඇත. “අනේ කරුණාකරලා සීට්‌ එකට යන්න…….” කාන්තාවන් ගැහෙන හඬින් මාක්‌ස්‌ට කීවාය “කට වහපන්……” ඔහු ගිගිරුවේය. “මම උඹලවත් මරාගෙන මැරෙනවා…..” ඔහු ‘බෝම්බය’ ඔසවමින් කීවේය.

ඔස්‌ට්‍රේලියන් පාපන්දු ලීගයේ ක්‍රීඩකයකුව සිටි ඇන්ඩෲ ලියොන්සෙලි ද මේ යානයේ සිටියේය. හොඳ උස මහත දේහධාරී මිනිසකු වූ ඔහු, මේ වන විට අසුනින් නැගිට යානයේ නියමු කුටිය වෙත ගමන් කරමින් සිටි මාක්‌ස්‌ වෙත ගියේය. ‘පිස්‌සෙක්‌ වෙන්නෙ නැතිව උඹේ සීට්‌ එකට පලයන් මිනිහෝ” ඔහු මාක්‌ස්‌aට කීවේය. ඒ අතර යානය තුළ සිදුවන කලබලය ගැන දැනගත් නියමුවෝ යානය ආපසු හරවාගෙන මෙල්බන් ගුවන් තොටුපළ වෙත රැගෙන ආහ.

මේ කරුණු මෙසේ සිදු වෙද්දී යානය තුළ හැඟීම් බර දේ බොහෝ සිදුවිය. සමහරු මරණ බියේ හඬන්නට පටන් ගත්හ. තව සමහරු තම පෙම්වතාට, පෙම්වතියට, මවට හෝ පියාට SMS පණිවුඩ යවමින් ජීවිතයේ අවසාන මොහොත එළැඹී ඇති බවත් මරණය තමන් ඉදිරිපිට දර්ශනය වන බවත් කීහ.

මේ වන විට යානය වටා පොලිස්‌ මුරකාවල් යොදා තිබිණි. ක්‍ෂණික විහිදුම් සෙබළු පිරිසක්‌ නවත්වා තිබූ යානය යටට වී එයට ඇතුළු විය හැකි තැනක්‌ ගැන පරීක්‍ෂාවෙන් පසුවූහ. මෙයට සමගාමීව ගුවන් කොල්ලකරුට ආසන්නයේ යානය තුළ වූ හැඩි දැඩි පිරිමි මගීන් සිවුදෙනක්‌ ඇස්‌වලින් කතා කරගනිමින් කිසියම් අදහස්‌ හුවමාරුවක නිරත වූහ. තවත් මොහොතක්‌ ගත වූ පසු මේ සිවුදෙනාම එක්‌වර ගොස්‌ මාක්‌ස්‌ බදාගෙන ඔහු බිම දමා ගත්හ.

ඒ සමඟම පොලිසිය යානය තුළට ඇතුළු විය. මාක්‌ස්‌ මෙල්ල කරගත් මඟී පිරිස ඔහු බිම දමා ඔහුගේ හිස පොළව දෙසට හැරවෙන පරිදි තද කරගෙන සිටියහ. ඊළඟ මොහොතේදී ඔහු අත්අඩංගුවට ගන්නා ලදී. ඒ අතර තම අත තිබූ බෝම්බය පුපුරුවන බවට මාක්‌ස්‌a තර්ජනය කළ ද එය පිපිරවීමට හැකි වූයේ නැත. මන්ද යත් එය ව්‍යාජ බෝම්බයකි. එහි නිර්මිතය ප්ලාස්‌ටික්‌ කැබලි සහ ටින් කැබලි කිහිපයක්‌ පමණි.

දැන් මේ තරුණයා ගැන සොයා බලමු. ඔහුගේ සම්පූර්ණ නම මනෝද් එම්. මාර්ක්‌ස්‌ ය. ඔහු ඕස්ට්‍රේලියාවට එන්නේ මොනරාගල සිටය. ඔහු ගුවන් යානය පැහැර ගැනීමට දින කිහිපයකට පෙර මානසික රෝගයක්‌ සඳහා ප්‍රතිකාර ලබා තිබිණි. කිසිදු අරමුණක්‌ නැතිව ජීවත් වූ ඔහු ගංජා සුරුට්‌ටුවලට ප්‍රිය කළේය. ගුවන් යානය පැහැර ගැනීමට ඔහු වරදකරු වුවහොත් අවුරුදු 10 ක්‌ හිරේ ලගින්නට සිදු වන්නේය. ඔහු මානසික රෝගියකු බව ඔප්පු වුවහොත් අධි ආරක්‍ෂිත මානසික රෝහලක අවුරුදු දෙකක්‌වත් ගත කරන්නට සිදුවන්නේය.

මනෝද් මාක්‌ස්‌ගේ Facebook ගිණුමෙහි සිත්ගන්නා සුළු Post කිහිපයක්‌ දමා තිබේ. “අසාධාරණය ඇති තැන එයට එරෙහිව හඬ නඟන්න…..” ලෙසිනුයි. එසේ පළ කළ ඔහු අද සිරිබත් කමින් සිටියි.

තොරතුරු – දිවයින පුවත්පත ඇසුරින්

ලොව වටා බයික් එකකින් ගොස් ලංකාවේ කොල්ලෙක් වාර්තාවක් තියයි.

ශ්‍රී ලංකාව ලෝකයේ ‘තිත’ක් බඳු කුඩා දූපතක් වුවත් ඇතැම් අවස්ථාවල ලාංකිකයන් පෙන්නුම් කරන වැඩ-කිඩ නම් කුඩා නොවන වග ඉතිහාසය හාරා ඇවිස්සීමේ සිට වර්තමානය දක්වාම මනාව පිළිබිඹු වේ. එවන් වික්‍රමාන්විත රජ වැඩක් කරමින් ලාංකිකයන් පමණක් නොව ලෝකවාසීන්ද මවිත කළ ලක් පුතකු පිළිබඳ කතාවකි මේ. රටවල් අසූවකට වැඩි ප්‍රමාණයක් හරහා යතුරු පැදියකින් ගිය ඔහු ඩිලන් සමරවික්‍රමය. ඩිලන් මෙසේ යතුරු පැදියෙන් කරක් ගැසූ රටවල් බොහොමයක් කෙනකු ලේසියෙන් නොයන එසේම කෙනකුට ලේසියෙන් යෑමට ද නොහැකි රටවල් වීම ‍විශේෂයකි. එවන් රටවලදී ඔහු ලද අත්දැකීම් ද අපූරුය.
යතුරු පැදියකින් දිගු ගමනක් යෑමක් පිළිබඳ අප අසා තිබුණේ 1952 වසරේදී අර්නස්ටෝ චේ ගුවේරා කිලෝ මීටර් 8000ක් පුරා දකුණු ඇමෙරිකාව හරහා ගිය ගමනය. මේ මහා විප්ලවවාදියා විසින්ම රචිත ‘The Motor Cycle Diaries ‘නමැති ග්‍රන්ථයේ ඔහුගේ ගමන් අත්දැකීම් අපූරුවට සඳහන් වේ. අපේ ඩිලන් යතුරු පැදියෙන් ගියේ ලොව වටා ගමනකි. එය හිතන්න පුළුවන් කතා පුවතක් ද? එහෙත් ඩිලන් එම පුවත යථාර්ථයක් බවට පත් කළ අප්‍රතිහත ධෛර්යයකින් යුත් මිනිසෙකි. ඔහුගේ කතාව අපූරුය.
ඩිලන් හැබෑම ශ්‍රී ලාංකිකයකු වුවත් ඔහු කාලයක සිට ජීවිකාව ගෙවනුයේ ස්විට්සර්ලන්තයේ සුන්දරත්වයෙන් අනූන එනෙන්ඩා ප්‍රදේශයේය. ඩිලන්ගේ වික්‍රමාන්විත ගමන ගැන කන වැකුණු මාහට අන්තර්ජාලය ඔස්සේ ඩිලන් හා සංලාප වීමට හැකියාවක් ලැබිණි. ඒ ගමන්වලදී ඔහු ලද අත්දැකීම් අපූරුය. වික්‍රමාන්විතය. විවීධය.
ඩිලන් පවසන පරිදි අතිදුෂ්කර වූත් සුන්දරවූත් ඒ ගමන ගැන සඳහන් කිරීමට පෙර ඔහුගේ ගමනට ප්‍රස්තුත වූ කරුණු කීපයක් ඔහු පුන පුනා පැවසීය.
“මං පොඩි කාලේ සිටම වික්‍රමාන්විත ක්‍රියා ප්‍රිය කරන්නෙක්. ළමා කාලේදීම මගේ සිතේ රසවත් හැඟීමක් ඇති කළ පොතක් වුණේ මාර්ටින් වික්‍රමසිංහ මහත්තයගේ මඩොල් දූව. එ් සිතිවිලිත් සමඟ පොඩි කාලෙ ඉඳලා මගේ සිහිනයක් තිබුණා ලෝ වටා සංචාරයක් කරමින් ලෝකයේ ලස්සන වගේම විවිධ ජන කොට්ඨාසයන්හි සංස්කෘතීන් ගැන අධ්‍යයනය කරමින් එම ජීවිතවල සුන්දරත්වය සේම කටුකත්වය දැකගැනීමට. ඒ වගේම ඒක මට ඕන විදිහට විඳින්නයි මගේ අරමුණ වුණේ. එහෙම නැතිව කෙනෙක්ගේ මඟ පෙන්වීමකින් පොත-පත පරිශීලනය කරමින් යන ගමනක් මට අවශ්‍ය වුණේ නෑ. එසේම මෙවැනි ගමනක් ගිහිල්ලා ලෝක වාර්තාවක් තියන්ටවත්, ඉතිහාසගත වීරයකු වෙන්ටවත් මට ඕනැ වෙලා තිබුණේ නෑ. මගේ එකම පැතුම වුණේ දේශ ගවේෂකයෙක් වගේ ලෝකය දකින්න. එදා මෙගලන්, කොළොම්බස්, මාකෝ පොලෝ වැන්නන් කළා වගේ මේ ලෝකය දකින්නයි මගේ ඒකායන බලාපොරොත්තුව වුණේ.”
ඩිලන්ගේ රජ ගමනේ අරමුණ කුමක් වුවත් ඔහු කළ වික්‍රමය නම් ඓතිහාසිකය.
“මගේ පොඩි කාලේ සිහිනෙත් එක්ක මීට අවුරුදු 7කට පමණ පෙර 2010 වර්ෂයේ දවසක මං තීරණයක් ගත්තා ලෝකේ වටේ රවුමක් යන්න. ඒකට තෝරගත්තෙ මම ‘බෲස්’ කියන අන්වර්ථ සුරතල් නාමයෙන් හඳුන්වන මගේ මෝටර් සයිකලය. තව කතාවක් තමයි මට කුඩා කාලේ ඉඳලම මෝටර් බයිසිකල් උණකුත් තිබුණා. මගේ ලොකුම විනෝදාංශය තමයි මෝටර් සයිකල් පැදීම. මුලින්ම බයික් එකක් ගත්තෙ අවුරුදු 16දී. එදා පටන් මගේ ආශාව බයිසිකලෙන් ලෝකෙ කොහේ හරි කරක් ගැසීම. මෙහෙමයි ලෝකෙ වටේ යනවා කිව්වම සමහරු එක් එක් විදිහට අර්ථ දක්වනවා. මම කළේ මේ ලෝකය ගෝලාකාරයිනේ. මට අවශ්‍ය වුණේ මෝටර් සයිකලෙන් ගෝලාකාර ලෝකෙ වටේ අංශක 360ක රවුමක් ගිහින් නැවතත් එනෙන්ඩාවල මගේ ගෙදරට එන්න. එහෙම නැතිව ලෝකයේ සෑම රටක් හරහාම ගමන් කිරීමට මට අවශ්‍ය වුණේ නෑ. ඉතින් මම, මගේ ලෝ වටා රවුම අවුරුදු 3 1/2ක් තිස්සෙ එකදිගට රටවල් 80කට වැඩි ප්‍රමාණයකින් ගියා. ඒත් මගේ ගමනට අවශ්‍ය මුදල් ඉවර වුණ හින්දා දකුණු ඇමෙරිකාවේ අර්ජන්ටිනාවේ බුවනෝර්ස් අයර්ස් නගරයෙන් ගමන නතර කරන්න වුණා. මගේ අරමුණ වෙලා තිබුණේ බුවනෝර්ස් අයර්ස්වලින් මෝටර් සයිකලය දකුණු අප්‍රිකාවේ කේප්ටවුන්වලට නැව්ගත කරලා මාත් ගුවනින් ගොස් එතැන් සිට බටහිර අප්‍රිකාව දෙසින් ගමන් කොට යුරෝපයට ඇතුළුවී ගෙදර යෑමයි.”
අපේ ශ්‍රී ලාංකේය පුත්‍රයාගේ තරම කෙතරම්ද වග දැන් ඔබට වැටහෙනවා ඇත. එසේනම් මේ ඩිලන් කවුද? 1970 දී ගම්පොළදී මෙලොව එළිය දුටු ඩිලන් තම පියාගේ ව්‍යාපාරික කටයුතු නිසා වත්තලට සේන්දු වී ඇත. වත්තල ශාන්ත අන්තෝනි විද්‍යාලයෙන් සිප්සතර හැදැරූ හෙතෙම වයස අවුරුදු 16දී පමණ ඉගෙනීම් කටයුතු සඳහා එංගලන්තයට පිටත්ව ගොස් ඇත.
“අපේ තාත්තා පංචිකාවත්තේ ට්‍රැක්ටර් අමතර කොටස් අලෙවි කිරීමේ ව්‍යාපාරයක් කරගෙන ගියා. ඒත් අවාසනාවන්ත ලෙස තාත්තා සොර කල්ලියක් විසින් දුම්රියේදී ඝාතනය කරනවා. තාත්තගේ මරණය අපේ පවුලේ ඉරණම් ගමන එහෙම්පිටින්ම වෙනස් කළා. මගේ තාත්තා වෙර වීර්යයෙන් දියුණුවට පත්වෙමින් සිටි කාලයකයි මුදල් පසුම්බියක් වෙනුවෙන් ජීවිතය පුද කළේ. එතකොට මට වයස අවුරුදු 6යි. තාත්තා අප දාලා ගියාට පස්සෙ අපේ පවුල අන්ත අසරණ වුණා. අපි විඳි සැප සියල්ල අහිමි වෙනවා. ඊට මූලිකම හේතුව වුණේ තාත්තා කළේ හවුල් ව්‍යාපාරයක්. ඒ හවුල්කාර දෙන්නා සතපහක දෙයක් අපේ අම්මට දුන්නෙ නෑ. අම්මත් තාත්තගේ ව්‍යාපාර කටයුතු ගැන එතරම් අවධානයකින් ඉඳලා නෑ. මේක නොහිතපු මොහොතක සිදුවුණ දෙයක්නේ. ඇය කළේ මගෙත්, මල්ලිලා තුන්දෙනාගේත් වැඩ කටයුතු කරගෙන ගේ-දොර බලාකියාගෙන සිටීම. පස්සෙ අපි මහ පාරට වැටෙන තරමට අන්ත අසරණ වුණා. මගේ අම්මා‍ බ්‍රිජට් හපුආරච්චි. ඇගේ උත්සාහයෙනුයි පසුව අපි මේ තත්ත්වයට ආවේ” යැයි පවසන ඩිලන් තම බාල සොහොයුරන් තිදෙනා වන තුෂාර, ජයන්ත සහ රොෂාන් වර්තමානයේ ශ්‍රී ලංකාවේ ඉතාම හොඳින් ජීවත්වන බව කීවේය.
එංගලන්තයේ ඉගෙනීම් කටයුතු අවසන් වූ පසුව ස්විට්සර්ලන්තයට සංක්‍රමණය වූ ඩිලන් ඉඩ ලද සෑම විටෙකදීම මෙරටට පය තබන බවද පැවැසීය. යුරෝපයට විත් වසර 30ක ඇවෑමෙන් තමාගේ ළමා අවදියේ ජීවන චර්යාවන් සේම සිතුම් පැතුම්හි එක් දෙයක් හැර සියල්ල උඩු-යටිකුරු වූ බව පවසන ඩිලන් ලෝක සංචාරයෙන් පසුව එම පැතුමත් ඉටුවූ බව පවසන්නේ නිහතමානීවය.
“මේ ලෝක සවාරියට කලින් මම විවිධ රට-රටවල සවාරි ඕනෑතරම් ගිහින් තියෙනවා. මං ස්විට්සර්ලන්තයේ සියලු සැපසම්පත් සහිත ඉතාම හොඳ ජීවන තත්ත්වයක් ගෙවන්නෙ. ඒ වගේම මේ ගමන යෑමට පෙර ඉහළ ආදායම් උපයන ව්‍යාපාරයක් මට තිබුණේ. ඒත් ඒ සියලු දේවලට වඩා මගේ සිතේ හැමදාම කොනක පැලපදියම් වෙලා තිබුණා මෙවැනි ලොව වටා ගමනක් යෑම ගැන. දැන් මං ඒ පැතුමත් ඉටුකරගෙන අවසන්.”
අවසන් වතාවට 2016දී මෙරටට පැමිණි ඩිලන් වර්තමානයේ ලේඛකයෙකු, පෞරුෂ වර්ධන දේශකයෙක් සේම චිත්‍රපට කර්මාන්තයේ ද නිරතව වැඩ කටයුතු කරමින් සිටී. මේ වන විට ලෝක සවාරිය අලළා වාර්තාමය චිත්‍රපටයක් නිර්මාණය කරමින් සිටින 46 හැවිරිදි ඩිලන් පසුගිය දිනවල මා සමඟ කතාබස් කරන විට එම චිත්‍රපට කටයුතු වෙනුවෙන් පැනමා රාජ්‍යයේ මහා ගන වනාන්තරයකට ඇතුළුවීමට සූදානමින් සිටියේය.
ඔහු ලෝක සංචාරය කළ බීඑම්ඩබ්ලිව් වර්ගයට අයත් මෝටර් සයිකලය රෝද දෙකේ සාමාන්‍ය සයිකලයක් වුවත් එය ඩිලන්ගේ වික්‍රමාන්විත ගමනේදී එක්තරා ආකාරයක රෝද හතරේ වාහනයකට සමාන බඩු කන්දරාවක් රැගෙන ගිය බවක් ඡායාරූප පිරික්සන විට පෙනිණි.
“මුලින් කිව්ව වගේ මට මේ ගමනට කිසිම සැලැස්මක් තිබුණේ නෑ. මඟ පෙන්වන්නන් මෙන්ම මඟ පෙන්වන පොත්පත් මුකුත්ම නෑ. මම කළේ මට හමුවන මිනිස්සුන්ගෙන් නව වටපිටාව හඳුනගෙන ඒ ඔස්සේ ගමන් කිරීමයි. මගේ ළඟ තිබුණේ පුංචි ජීපීඑස් උපකරණයක් පමණයි. එය මං අතරමං වූ තැන්වලදී මාලිමාවක් වගේ ක්‍රියා කළා. ඇත්තෙන්ම මගේ මේ ගමනේදී අතරමං වීමක් කියලා දෙයක් නැහැ. එහෙම වූ අවස්ථාවලුත් මං දැක්කෙ නව ඉසව්වක් දැකගැනීමක් ලෙසයි. මං මේ ගමනේදී වැඩිපුරම ගියේ දියකඩිති, ගල්-ගොඩැලි සහිත ගුරු පාරවල්වල. අධිවේගී මාර්ග, කාපට් ඇතුරු මාර්ගවල යන්නම ඕන අවස්ථාවලයි ගියේ. කොටින්ම රටකට ඇතුළු වුණාම අප්‍රකට, සංචාරකයන් වැඩිපුර නොයන තැන් දකින්නයි වැඩිපුරම ගියේ.”
තමා සතුව තිබූ කුඩා ව්‍යාපාරය විකුණා දමා ලෝ වටා සංචාරය කිරීම සඳහා මුදල් සොයා ගත් ඩිලන් එම සුළු මුදල් ප්‍රමාණය පරෙස්සමින් විය-හියදම් කරමින් ‘බෲස්’ සයිකලයෙන් ලෝකයේ රටවල් 80කට වැඩි ප්‍රමාණයක රිංගමින් කිලෝමීටර් දෙලක්ෂ දසදහසකට වැඩි ප්‍රමාණයක සැරිසරා ඇත. ඒ අතරට තමන්ම නිර්මාණය කරගත් පහුරක් ආධාරයෙන් කිලෝමීටර් 720කට වැඩි දුරක් ගිය ත්‍රාසජනක ගමනක්ද වේ. “මේ කිලෝමීටර් 720 දුර තමයි මේ ගමනේදී මං මූණ දුන්න ත්‍රාසජනකම අත්දැකීම්වලට මුහුණ දුන්නේ. දකුණු ඇමෙරිකාවයි, උතුරු ඇමෙරිකාවයි අතරෙ තිබෙන මධ්‍යම ඇමෙරිකා රටක් වන පැනමාවේ සිට කොලොම්බියාවට ගොඩබිම් මාර්ගයක් නෑ. ඒ නිසා තමයි මට මේ අත්දැකීමට මූණ දෙන්න වුණේ. එතැනදී වෙන්නෙ බෝට්ටුවකින් හෝ ගුවන් යානයකින් ගමන් කිරීමක්. බෝට්ටුවක් කුලියට ගෙන මගේ බෲස්වත් පටවගෙන යන්න තරම් වත්කමක් මට තිබුණේ නෑ. ඒ නිසා මම කළේ මා විසින්ම තනාගත් පහුරක් ආධාරයෙන් පැසිෆික් සාගරය තරණය කරමින් කොලොම්බියාවට යෑම. ඒ වගේමයි මං මෙතෙන්දී පොඩි දෙයක් හිතුවා මොකද මේ සංචාරය සුන්දර වෙන්නෙ ත්‍රාසජනක අත්දැකීමක් ලබමින් ගියොත් කියන එක මගෙ ඔළුවෙ සෑම විටම වැඩ කළා. ඒකයි මං වැඩිපුරම පහුරු ගමන ගියේ.
පෘථිවි ගෝලයේ පිහිටා තිබෙන මහද්වීප හතෙන් මිනිස් වාසය සතු මහද්වීප පහ තුළින්ම ගමන් කළ ඩිලන් මහද්වීපයෙන් මහද්වීපයකට සේම රටකින් රටකට ගිය අයුරු අප හා විස්තර ක‍ෙළේය.
“සාමාන්‍යයෙන් කලින්ම වීසා ඕන කරන රටවලුත් තියෙනවා. ඒ වගේම සමහර රටවල් තියෙනවා දේශසීමාව මායිමේ තිබෙන කාර්යාලවලින් ගමන් බලපත්‍රයේ එරට මුද්‍රාව සටහන් කරගෙන ඇතුළු වෙන්න පුළුවන් රටවලුත්. එහෙම රටවල් තමයි ඇමෙරිකා මහද්වීප දෙක තුළදී බොහෝ විට හමු වුණේ. ඒ තැන්වලදී දේශසීමා කාර්යාලවලදී බලන්නෙ තම රටට ඇතුළුවීමට පෙර එම පුද්ගලයා සිටි රටෙන් නීත්‍යනුකූලව පිටවීමේ මුද්‍රාව සටහන් කර තිබෙනවාදැයි කියා පමණයි. ඒත් කලින්ම වීසා බලපත්‍ර හදා ගත යුතු රටවල් වන ඉතියෝපියාව, සුඩානය, ඉන්දියාව, පාකිස්තානය, ඉරානය ආදි රටවල්වලදී මං කළේ කලින්ම ගමන් බලපත්‍ර හදා ගත්තා.” අවස්ථා කීපයකදී බෲස්ව නැව්ගතකොට තමාද ගුවන් යානයෙන් අදාළ රටට ගිය බව පවසන ඩිලන් ලෝක සවාරියේදී තිබෙන අත්දැකීම්නම් මේ කියන තරම් රසවත් නොමැති බව පැවසුවේ සුසුමක් හෙළමිනි.
“මං හැම තිස්සෙම අඩු වියදමකිනුයි මේ ගමන යන්න උත්සාහ කළේ. මොකද මට එතරම් මුදලක් තිබුණේ නෑ වියදම් කරන්න. ඒ වගේම මෙවන් වික්‍රමයන් තුළදී සැප සම්පත් මානම් කිසි විටෙක බලාපොරොත්තු වුණේ නෑ. මගේ ගමනට බොහොම සරල බඩු-භාණ්ඩ කීපයයි තිබුණේ. මොනවා හරි කෑමට-බීමට රත්කර ගැනීමට පෙට්‍රල් උඳුනයි, කොහේ හරි පරේ අයිනක නිදා ගැනීමට කූඩාරමක්, පුංචි ජීපීඑස් මෙවලමක්. ඊට අමතරව ඇඳුම් කීපයකුයි පමණයි. මට මතකයි මං සමහර ඇඳුම් මාස ගණන් එක දිගට ඇඳන් හිටියා. මට මේ ගමනට ලොකුම උපකාරය කළේ මගේ බෲස්.“ එසේම මෝටර් සයිකල් අමතර ටයරයක් සහ පෙට්‍රල් කෑන් එකක් එහෙමත් රැගෙන යෑමට ඩිලන් වග බලාගෙන ඇත.
මෝටර් සයිකල් පිළිබඳ ඉතාම හොඳ කාර්මික ඥානයකින්ද හෙබි ඩිලන්ගේ ගමනේදී බෲස්ට වන අකරතැබ්බිවලදී ඒ සඳහා අවැසි ආයුධ කීපයක්ද ඩිලන් රැගෙන ගොස් ඇත. සියලු අඩුම-කුඩුම පටවාගත් ඇලුමිනියම් පෙට්ටි තුනක් බෲස්හි අටවාගෙන තම සිතේ කාලයක සිට කැකෑරුණු ලොව වටා ගමන ගිය ඩිලන් එහි රසබර සේම ත්‍රාසජනක අත්දැකීම් ගොන්න මුල්ම වතාවට මෙරට පුවත්පතක් වන සිළුමිණ සමඟ බෙදාහදා ගැනීමට ඉදිරිපත් වූයේ කිසිදු පැකිළීමකින් තොරවය.

උපුටාගැනීම: සිළුමිණ.